Health and Disability System Review - Te Reo

Closes 31 May 2019

Opened 1 Feb 2019

Overview

Kia ora, Talofa Lava, Kia Orana, Malo e lelei, Ni sa bula vinaka, Fakaalofa lahi atu, Malo ni, Tena koutou katoa, Greetings.

He maha ngā painga o te Pūnaha Hauora, Hauā hoki o Aotearoa, ka mutu kua pai ake, kua roa atu hoki te oranga o ō tātou tāngata.

Hei whai atu i tētahi kaupapa whakawhiti kōrero whānui nā te Manatu Hauora i ārahi, kua oti te whakatakoto i tētahi whakakitenga mārama, whai hua hoki mō taua pūnaha anō. Koia anō i whakapuakina ai i te whakahoutanga o te Rautaki Hauora o Aotearoa (2016):

“All New Zealanders live well, stay well, get well

me te Rautaki Hauā o Aotearoa hoki (2016):

“New Zealand is a non-disabling society – a place where disabled people have an equal opportunity to achieve their goals and aspirations, and all New Zealand works together to make this happen”.

Heoi nā runga i te āhua o ngā whakahaeretanga o tēnei wā inā kē te whānui o te rerekētanga i roto i ngā huanga hauora puta noa i tō tātou porihanga. He maha ngā tāngata, otirā, ko ērā he iti te moni whiwhi, kāore e whai wāhi ki ngā ratonga hauora, kia tino māuiui rā anō, hāunga te mātua whai āwhina kia ora ai te noho. He kino kē atu ngā huanga hauora mō ngā tāngata Māori i te nuinga o te taupori, me te aha he kino anō hoki ngā huanga hauora o ngā tāngata Pasifika.

Waihoki, kua pā mai ngā hurihanga nui, tere hoki ā-ao whānui, ā-porihanga, ā-hangarau hoki ki te pūnaha nei. Me tino rerekē tōna whakahaere ā ngā tau kei te tū mai kia pai ake ōna ratonga mō ngā tāngata katoa o Aotearoa.

Kua whakatūria te Paepae Hauora Manaaki ki Aotearoa Whānui hei tautohu i ngā huarahi e pai ake ai ngā whakatutukitanga, te hanganga me te whakapūmautanga o te pūnaha ā, haere ake nei, ko te whiwhinga ōrite tōna aronga nui. Mārama tonu te ahunga whakamua ki a mātou, ā, ko te aronga ia ko te whakapiki i ngā huanga hauora, oranga hoki mō ngā tangata katoa o Aotearoa, me te aronui ki ngā rerekētanga, otirā mō ngā tāngata Māori, tāngata Pasifika me ngā hapori he iti te moni whiwhi.

Kei te hiahia mātou kia rongo i ōu whakaaro hei whakapai ake i te pūnaha hauora, hauā hoki ki te whakatutuki i ngā whāinga nei.

Me pēhea e whai koha ai koe ki te Arotakenga?

Kei te tino hiahia mātou kia rongo i ōu whakaaro e pā ana ki ngā momo rereketanga ā-pūnaha e pai ake ai ngā whakatutukitanga o tā tātou pūnaha hauora, hauā hoki. Ko te aronga nui i konei ko ngā rerekētanga e pā tonu mai i roto i ngā e 5 ki te 10 e haere ake nei, ā, ka puta ake he painga mō ngā wāhanga katoa o te pūnaha me ngā hapori.

Ko te tuatahitanga tēnei o ngā huarahi e rua kia tuku mai i ōu whakaaro mā tēnei tukanga ā-ipurangi:

  • 〈 Wāhanga Tahi (Kohitātea - Haratua 2019 

    Kei te rapu mātou i ōu whakaaro kia mārama pai ai te Paepae ki te whakahaerenga o te Pūnaha nei, ki te tautohu hoki i ngā tino take e kaha ake ai te pakari me te whiwhinga ōrite o te pūnaha. Kei te hiahia mātou kia rongo i ōu whakaaro mō ngā rereketanga ā-pūnaha e pākaha ai kia pai ake te whiwhinga ōrite ki ngā huanga ā ngā tau kei te tū mai.

  • 〈 Wāhanga Rua (Hereturikōkā – Whiringa-ā-rangi 2019)   

    Ka rapu mātou i ōu whakaaro e pā ana ki te Rīpoata mō te Wā, ko te tikanga ka whakaotia ā te marama o Hereturikōkā 2019.

Wāhanga Tuatahi

Ko tēnei tukanga ā-ipurangi tētahi o ngā ara māu ki te tuku i ō whakaaro ki te Paepae. Ka whai wāhi ngā tāngata o runga o tēnei paepae ki te huitahi me momo whakahaere matua, mai i ngā rōpū kaituku ratonga, rōpū kaiwhakapeto me ētahi atu rōpū mō te roanga o te arotakenga kia mārama tonu ai mātou ki ngā take a tēnā rōpū, a tēnā taha. Hei te tau 2019, ka whakaritea e mātou ētahi hui hei wānanga i aua take, kia whai wāhi mai ngā momo tāngata me ō rātou nā tirohanga kē hoki kia aro ngātahi ki ngā take e puta ake ana.

Ngā tohutoro

Hei āwhina i a koe, tērā ka hiahia koe ki te tirotiro i ēnei tuhinga e whai ake nei:

System Review Terms of Reference 

New Zealand Health Strategy (2016)

New Zealand Disability Strategy (2016)

Achieving Equity (2018)

Me he pātai āu mō te rapunga whakaaro ā-ipurangi, tēnā tuku īmēra mai ki a mātou, ki systemereview@moh.govt.nz

E wātea mai ana ā ngā rā mātāmua o Huitanguru:    

Tukua mai ō whakaaro mā te

  • English
  • te reo Rotarota o Aotearoa
  • Pānui Māmā

Tukua mai ōu whakaaro